"ღამის შოუს ბენდის" მომღერალს, ბაბი კირკიტაძე რამდენიმე კვირის წინ სკანდალი შეემთხვა.
საქმე ეხებოდა იმას, რომ გავრცელებული ინფორმაციით კასპის მერიამ ბაბი კირკიტაძეს 12 000 ლარი ჩაურიცხა.
მერიის ფინანსური სამსახურის დოკუმენტებში წერია, რომ მომღერალმა აღნიშნული თანხა ტელეკომპანია "იმედის" "ღამის შოუს ბენდის" მომსახურების გამო მიიღო.
ბაბიმ ჟურნალ "სარკესთან" ინტერვიუში თქვა, რომ თუ ცნობილი ხარ, ყველას ვერ ეყვარები.
– გავრცელდა ინფორმაცია სხვადასხვა რეგიონებში ჩატარებული კონცერტების თქვენთვის გადმორიცხული ძალიან მაღალი ჰონორარების შესახებ. საუბარია ათასობით ლარზე, რამაც დიდი აჟიოტაჟი გამოიწვია. რას ეტყოდით საზოგადოებას, რას უპასუხებდით ამ სკანდალს?
– სიმართლე გითხრათ, ამ თემაზე კომენტარი არც მაშინ გამიკეთებია. ერთადერთი კომენტარი ბენდის სახელით გავაკეთე. და იქ დავასრულეთ ყველაფერი. ამაზე ყურადღების მიქცევა დროის ფუჭი კარგვაა. ჩვენმა გულშემატკივრებმა კარგად იციან, რომ ის რაც გამოქვეყნდა, იყო სიცრუე. ერთადერთი ზუსტად ვიცი, რომ „ღამის შოუს ბენდი“ აბსოლუტური გულწრფელი სიყვარულით ვაკეთებთ ყველაფერს.
ჩავდივართ უმარვა ქალაქში, ვატარებთ კონცერტებს და დიდ სიხარულს ვჩუქნით ხალხს. თუ ვინმე გადაწყვეტს, რომ გვესროლოს ტალახი, ავიტანთ, რადგან გვიღირს, იმ ათასობით ადამიანის გახარება, რომელთაც ჩვენი სიმღერებით ვანიჭებთ სიამოვნებას. საერთოდ როდესაც ცნობილი სახე ხარ, იმისთვისაც მზად უნდა იყო, რომ სულ კარგს ვერ იტყვიან.