შეგახსენებთ, რომ "პრაიმ ჰაუსსში" ამ კვირის ბოსი კოსტაა, მან ყველა წინამორბედი ბოსის მსგავსად წვეულება დაგეგმა.
ყველასათვის ცნობილია, რომ ბაგირასა და კოსტას დაძაბული ურთიერთობა აქვთ. რის გამოც, ბაგირამ წვეულებაში მონაწილეობაზე უარი თქვა და მარტო ყოფნა გადაწყვიტა.
თუმცა, მონაწილეებთან მაინც ჩავიდა და მათ სახლის დალაგებაში დაეხმარა.
კოსტამაც აღნიშნული ქმედება ბაგირას დაუფასა, და თქვა, რომ "ბაგირა, მიუხედავად იმისა, რომ სიცხე აქვს, მაინც ჩამოდის და მეხმარება. გამიხარდა ძალიან... სახლის დალაგებაში ძალიან დიდი წვლილი მიუძღვის."
კოსტა ბაგირასთან ოთახშიც ავიდა და მასთან შერიგება სცადა და ჩაეხუტა.
