ავტობუსის მძღოლი, ვ.ტ, რომელიც რუსთავი-გარდაბნის გზაზე 3 წლის ბავშვს დაეჯახა, გირაოს სანაცვლოდ საპატიმროდან გაათავისუფლეს.
საინფორმაციო სააგენტო “ინფო რუსთავის” ცნობით, 22 დეკემბერს გამართულ წინასასამართლო სხდომაზე მოსამართლე ეკატერინე პართენიშვილის გადაწყვეტილებით ვ.ტ-ს აღკვეთ ღონისძიებად შეფარდებული პატიმრობა 5000 ლარიანი გირაოთი შეეცვალა.
საქმის არსებითი განხილვა იანვარში დაიწყება.
შეგახსენებთ, რომ შემთხვევა 28 ოქტომბერს ცემენტის ქარხნის მიმდებარედ მოხდა. შეჯახების შედეგად ბავშვი სამედიცინო დაწესებულებაში გადაყვანამდე გარდაიცვალა.
