სიახლეების ხაზი
შემოგვიერთდით
  • ეფექტური რჩევები ტელეფონის სილიკონის ჩასადებზე სიყვითლე

    ეფექტური რჩევები ტელეფონის სილიკონის ჩასადებზე სიყვითლე
    1 წლის და 2 თვის უკან
    Aa Aa
    გაზიარება:

    სმარტფონის მომხმარებლები ხშირად იყენებენ ქეისებს არა მხოლოდ თავიანთი გაჯეტის დასაცავად, არამედ იმისთვის, რომ ტელეფონი გამოიყურებოდეს ელეგანტურად. ერთ-ერთი ყველაზე გამძლე და მრავალმხრივი არის გამჭვირვალე სილიკონის კორპუსი და ყველაფერი კარგად იქნებოდა, რომ არა ერთი „მაგრამ“: ის ძალიან სწრაფად ყვითლდება, შედეგად, კარგავს თავდაპირველ იერს და არ გამოიყურება ისე ლამაზად, როგორც თავიდან იყო. თუმცა, დროზე ადრე არ ინერვიულოთ, რადგან არსებობს რამდენიმე ეფექტიანი გზა, რომელიც დაგეხმარებათ თქვენი საყვარელი ნივთის სიყვითლისგან გაწმენდაში.

    ალკოჰოლი
    ხსნარის სახით შეურიეთ 96% სპირტი წყალს 1:1 თანაფარდობით. შემდეგ ვიღებთ ბამბის ბალიშს და ნაზად ვწმენდთ იმ ადგილებს, რომლებიც გაყვითლდა.

    აცეტონი
    მისი დახმარებით თქვენ ასევე შეგიძლიათ ებრძოლოთ სილიკონის სიყვითლეს. ცოტაოდენი სითხე წაუსვით ბამბის ტამპონს და გაწმინდეთ სწრაფი მოძრაობებით. შემდეგ დაასველეთ ბამბა თბილ წყალში და კვლავ გაწმინდეთ საფარი. თუ სიყვითლე არ გაქრა, პროცედურა რამდენჯერმე უნდა განმეორდეს.

    კბილის პასტა
    ცოტაოდენი კბილის პასტა დაწურეთ ღრუბელზე და ნაზად გაწმინდეთ ქეისი. გააჩერეთ 15 წუთი და შემდეგ გარეცხეთ გამდინარე წყლის ქვეშ.

    სარეცხი საპონი
    არასასურველი სიყვითლისგან თავის დაღწევა შეგიძლიათ სარეცხი საპნით. დაასველეთ ქეისი წყალში და კარგად შეაზილეთ საპონი და ამის შემდეგ გარეცხეთ.

    სოდა

    კორპუსის გასაწმენდად შეგიძლიათ გამოიყენოთ ამიაკი ან სოდა. ის უნდა გაზავდეს წყლი და პიურეს მსგავსი მასა უნდა მივიღოთ. შემდეგ რბილ ღრუბელზე ვასხამთ სოდას და ნაზი მოძრაობებით ვხეხავთ, რომ საფარი არ დაკაწროს. არ არის საჭირო დაუყოვნებლივ გარეცხოთ, 20 წუთი მაინც უნდა გააჩეროთ და მხოლოდ ამ დროის შემდეგ, შეგიძლიათ გარეცხოთ თბილი წყლით.

    მათეთრებელი
    მათეთრებელი უნდა განზავდეს წყლით 1:10 თანაფარდობით. თუ სიყვითლე მხოლოდ ზოგიერთ ადგილასაა, დაასველეთ ბამბის დისკი ხსნარში და ნაზად გაწმინდეთ საფარი. თუ მთლიანად გაყვითლდა, მაშინ ამ ხსნარში უნდა გააჩეროთ 30 წუთი და შემდეგ გარეცხოთ ცივ წყალში.

    ლიმონის მჟავა
    რამდენიმე ჩაის კოვზი ლიმონმჟავა უნდა გაიხსნას თბილ წყალში, ბამბის ფირფიტას ვასველებთ და საფარს ვწმენდთ.

    მცენარეული ზეთიმცენარეული ზეთი უნივერსალური საშუალებაა, რადგან ახალი სიყვითლის კვალის გარდა, მისი გამოყენება შესაძლებელია ფლომასტერის, საღებავებისა და მელნის ლაქების მოსაშორებლად. ღრუბელს წაუსვით ზეთი და წრიული მოძრაობით გაასუფთავეთ საფარი.