ეროვნული ბიბლიოთეკის დირექტორი, გიორგი კეკელიძე, სოციალურ ქსელში სასიხარულო ინფორმაციას ავრცელებს.
"კარგი ამბავი გვაქვს, ჩვენ ვბრუნდებით: ეკვილიბრიუმი, რომელმაც 1500 სოფელი მოიარა, აახლებს რეგიონული ბიბლიოთეკების წიგნებით მომარაგებას. წინ 500 ბიბლიოთეკა" - წერს კეკელიძე.
შეგახსენებთ, გიორგი კეკელიძე ოზურგეთშია დაბადებული. ბიბლიოთეკის დირექტორობის გარდა ის გახლავთ პოეტი, პროზაიკოსი, კინოსცენარისტი, ესეისტი, ლექტორი და ტელეწამყვანი. ასევე კეკელიძე გახლავთ ელექტრონული ბიბლიოთეკის lib.ge-ს დამფუძნებელი და მთავარი რედაქტორი.
მისი ინიციატივით იქნა შემოღებული წიგნის ჩუქების დღე საქართველოში - 23 აპრილი.
