ლოს-ანჯელესში „გრემის“ დაჯილდოების 64-ე ცერემონია გაიმართა.
წითელ ხალიჩაზე არაერთმა ვარსკვლავმა გაიარა.
ტრადიციულად, მათი ჩაცმულობა მედიის ყურადღების ცენტრში მოექცა.
როგორც ცნობილია, "გრემის“ ნომინაციებში, ოლივია როდრიგომ, დუეტმა Silk Sonic-მა და ჯაზ-მუსიკოსმა ჯონ ბატისტმა გაიმარჯვეს.
ბატისტის ჩანაწერმა „We are”, წლის ალბომის ჯილდო მიიღო, ხოლო ოლივია როდრიგო, საუკეთესო ახალი შემსრულებლისა და საუკეთესო პოპ ალბომის ჯილდოს მფლობელი გახდა. რაც შეეხება Silk Sonic-ს, ჩანაწერმა ,,Leave the door open”, როგორც წლის ჩანაწერის ჯილდო, ასევე წლის სიმღერის პრიზები მოიპოვა.
დაჯილდოების გარდა, ცერემონიაზე Foo fighters-ის წევრ ტეილორ ჰოკინსს პატივი მიაგეს, რომელიც ახლახან გარდაიცვალა.
ამასთან, „გრემის“ დაჯილდოების ცერემონიალზე, დამსწრე საზოგადოებას უკრაინის პრეზიდენტმა, ვოლოდიმირ ზელენსკიმ მიმართა. მან, მუსიკოსებს სოციალურ ქსელებში, ომის შესახებ სიმართლის თქმისკენ მოუწოდა.