მომღერალ სოფო ნიჟარაძესა და საქართველოს მესამე პრეზიდენტს, მიხეილ სააკაშვილის სამი წლის წინ პირველი საერთო შვილი, ალისა შეეძინათ.
მომღერალს ამ დრომდე საჯაროდ არ უსაუბრია ექსპრეზიდენტთან ურთიერთობაზე. თუმცა “ნანუკა ჟორჟოლიანის შოუში” სოფომ შვილის შესახებ ისაუბრა. როგორც თქვა, გოგონას სახელი მამამ დაარქვა.
“ალისკა არის ჩემი ცხოვრების მთავარი ადამიანი. როცა პირველად დავინახე, გავგიჟდი, რომ ეს ჩემი შვილი იყო. შემდეგ უკვე შემოვიდა სხვა გრძნობები, მზრუნველობა, პასუხისმგებლობა… თვალწინ მიდგას ახლაც მისი დაბადება და დღეს რომ ვუყურებ, უკვე რა დიდი გოგოა. ორსულობაში სულ წარმოვიდგენდი, როგორი იქნებოდა, თუმცა სულ სხვანაირია რეალობაში. ძალიან აქტიურია, მომთხოვნი, მბრძანებელი. ვერ ვიტყვი, რომ ძალიან გათამამებულია. უნდა ვთქვა, რომ ძალიან კონტაქტურია, მიუხედავად იმისა, რომ პანდემიის პერიოდში გაჩნდა.
ალისკა პირველი ამბობს, მამას, (შემდეგ ედუჩის, წამყვანი)…შემდეგ ყველას ჩამოთვლის, ხოლმე… ჩვენ ვცდილობთ, რომ ტელევიზორს არ ვაყურებინოთ, რომ არ დაისტრესოს. როცა მიშასთან მივდივართ და ხედავს, ძალიან განიცდის მის მდგომარეობას. მეკითხება, ავად ხომ არ არის, როგორ არის, პიცა უნდა გავუკეთო და წავუღოო, სულ ამას ამბობს. მიშა მიყვარს ძალიან, იტყვის ხოლმე მოწმენდილ ცაზე. როგორც უკვე დიდი გოგო, ისე ფიქრობს.
რაც შეეხება სახელს, ალისკა მამამისმა დაარქვა, სათამაშოების მაღაზიაში იყო და პირველი რაც შემხვდა და თვალში მომხვდა, წიგნი “ალისა საოცრებათა ქვეყანაში” იყოო და ბავშვს ალისა ხომ არ დავარქვათო. დავთანხმდი. მეორე სახელი, მარია მე ავურჩიე, ნათლობის სახელია” – თქვა სოფო ნიჟარაძემ.
ნახეთ ვიდეო: