გუშინ თბილისში მღვდელი დაჭრეს. სასულიერო პირის დაჭრის ფაქტზე, შინაგან საქმეთა სამინისტომ ერთი პირი დააკავა.არსებული ინფორმაციით, დანაშაულის იარაღი დანაა. სასულიერო პირი სამედიცინო დაწესებულებაშია გადაყვანილი და მას გადაუდებელი ოპერაცია ჩაუტარდა. მისი მდგომარეობა საკმაოდ მძიმეა.
შემთხვევა ნუცუბიძის მეოთხე პლატოზე მდებარე 13 ასურელი მამის ტაძრის ეზოში, გუშინ დილის საათებში მოხდა. ტაძრის წინამძღვარი ეზოში იმყოფებოდა, რა დროსაც მას ზურგიდან მამაკაცი თავს დაესხა და რამდენიმე ჭრილობა მიაყენა.
მომხდარს ტაძრის მედავითნე შეესწრო, რომელიც ამბობს, რომ დაინახა სავარაუდო დამნაშავე რომელიც მისივე თქმით, ამავე უბანში მდებარე აფთიაქის დარაჯია და კამერების ჩანაწერების ამოღების შედეგ პოლიციამ ის დააკავა – 4-ჯერ ჩაარტყა დანა, 2 ლიტრა სისხლი აქვს დაკარგული.
