მარტვილში, სხვადასხვა ლოკაციაზე ძაღლმა 10-მდე პირი დაკბინა. სასწრაფო დახმარების ბრიგადამ ისინი კლინიკაში გადაიყვანა.
როგორც თვითმხილველები ამბობენ, მაწანწალა ძაღლები მუნიციპალიტეტის ცენტრში მყოფ ადამიანებს უმიზეზოდ თავს ესხმოდნენ.
მარტვილის მერიაში აცხადებენ, რომ ძაღლი დაჭერილია და ქუთაისიდან ელოდებიან შესაბამის სამსახურს.
შეგახსენებთ, რომ ქუთაისში დიდი რაოდენობით ძაღლები ცოტა ხნის წინ რაჭიდანაც გადაიყვანეს.
