"ნაპოლის" გაჩემპიონების შემდეგ საფეხხურთო კლუბი "ფეისბუქის" ოფიციალურ გვერდზე სპალეტის ემოციურ ფოტოებს აქვეყნებს წარწერით : "კარგია, როცა მეფე ხარ".
საკუთარი გუნდის წარმატებით გახარებული სპალეტი ემოციებს ვერ მალავს. ის ულოცავს გამარჯვებას და ეხუტება ფეხბურთელებს, მათ შორის ხვიჩა კვარაცხელიას.
შეგახსენებთ, რომ 33 წლიანი პაუზის შემდეგ ნაპოლი ჩემპიონია! ეს ისტორიაში მესამედ მოხდა, თუ პირველი ორი სკუდეტოს დროს ნეაპოლელთა ლიდერი დიეგო არმანდო მარადონა იყო, ახლა "პარტენოპეის" ლიდერი 22 წლის ხვიჩა კვარაცხელიაა.
ნეაპოლში "დიეგო არმანდო მარადონაზე" ყველა ბილეთი გაიყიდა მატჩის ტელეეკრანზე საყურებლად, სხვებთან ერთად იქ იყო აურელიო დე ლაუირენტისი, რომელიც საგარეო მატჩებში გუნდს არ დაყვება. უდინეში კი დაახლოებით 12 ათასამდე ფანი შეიკრიბა სამხრეთული კლუბის. ასე რომ, Dacia Arena-ზეც უმრავლესობა სტუმართა გულშემატკივარი იყო.
ნაპოლის სეზონის დასრულებამდე 5 ტურით ადრე ჩემპიონის ტიტულის მოსაპოვებლად ფრეც ჰყოფნიდა და მიაღწია კიდევაც - 1:1. "ოქროს გოლი" სერია A-ს ბომბარდირის, ვიკტორ ოსიმენის ანგარიშზეა.