საქართველოს მორაგბეთა ეროვნულმა ნაკრებმა ბათუმში, იტალიის ნაკრები 28:19 დაამარცხა.
შეხვედრაში ყველაზე გამორჩეულები დავით ნინიაშვილი და თედო აბჟანდაძე იყვნენ.
მატჩის პირველი ნახევარი "ბორჯღალოსნების“ გამარჯვებით, ანგარიშით 19:13 დასრულდა. 2 ლელო გაიტანა თედო აბჟანდაძემ, 1 კი სანდრო თოდუამ. მეორე ნახევარში კი საქართველოს ნაკრების უპირატესობა ზუსტად შესრულებული ჯარიმების დახმარებით გაიზარდა.
"ბორჯღალოსნები" ზაფხულის ტესტების დასკვნით შეხვედრას 16 ივლისს ქუთაისში "აია არენაზე“ პორტუგალიის ნაკრების წინააღმდეგ გამართავენ.